Sensiela ta’ ritratti mill-Katidral ta’ Cologne fil-Ġermanja fejn il-Ġimgħa sar servizz li fakkar il-memorja tal-vittmi tat-tiġrif tal-ajruplan tal-linja Germanwings li seħħ fl-24 ta’ Marzu, qalb l-Alpi Franċiżi, fejn spiċċaw tilfu ħajjithom il-150 persuna abbord. Għaċ-ċerimonja, apparti l-Kanċillier Ġermaniż Angela Merkel u l-President Ġermaniż Joachim Gauck, kien hemm 1,400 persuna, fosthom 500 li kellhom qraba abbord it-titjira.
