L-aħħar aħbarijiet …
Ftit qabel it-8am wasal f’Boiler Wharf fil-Port il-Kbir, bastiment Taljan li ġab lejn Malta 24 kadavru li tilfu ħajjithom waqt dik li qed tissejjaħ bħala l-akbar traġedja fil-Mediterran. Minn ħin ghal ieħor, mistenni li jitnizzlu mill-basitiment dawn il-kadavri.
Mill-informazzjoni li waslitilna mill-post fejn hemm il-kollega Joe Mikallef, fuq il-bastiment hemm ukoll 28 immigrant li ġew salvati u li se jiġu eżaminati għal raġunijiet ta’ saħħa biex ikomplu bil-vjaġġ tagħhom lejn l-Italja.
Mill-informazzjoni li għandu maltarightnow.com ftit tal-ħin ilu wassal wassal fil-post l-Ammbaxxatur Taljan għal Malta u l-Kummssarju tal-Pulizija. Fil-post mistenni jasal ukoll Maġistrat tal-Għassa.
Ritratt : Martin Agius – jidhru l-boroz suwed li fihom hemm il-katavri tal-immigranti
Aktar kmieni …
Dan il-portal għandu informazzjoni li fis-7:15 ta’ dalgħodu se jasal Malta bastiment navali Taljani li abbord tiegħu hemm 24 katavru ta’ immigranti nvoluti fit-traġedja li seħħet ilbieraħ fl-ibħra lil hinn minn Lampedusa.
Il-bastiment bil-katavri se jiddaħħal f’Boiler Wharf l-Isla.
Jidher li il-katavri se jitwaqqfu Malta u l-bastiment mistenni jibqa’ sejjer Sqallija bil-bqija tal-immigranti li kienu salvati. Jidher li sa issa kienu salvati 30 immigrant u ttellgħu wkoll 24 katavru.
It-traġedja seħħet fis-sigħat bikrin tal-Ħadd filgħodu meta dgħajsa b’madwar 900 immigrant inqalbet lil hinn minn Lampedusa. L-istampa barranija qed tirreferi għal din it-traġedja bħala waħda mill-ikbar traġedji ta’ dan it-tip.
Fi zvilupp iehor, fil-Lussemburgu mistennija jiltaqgħu il-Ministri tal-Intern u l-Ministri tal-Affarijiet Barranin tal-Unjoni Ewropea biex jiddiskutu din il-kwistjoni.
Segwi l-wasla tal-bastiment Taljan permezz ta’ dan il-link (Skyline Webcams),
Il-Port il-Kbir, Valletta Waterfront
Il-Breakwater tal-Port il-Kbir
