Tfajla Franciża ta’ 15-il sena qed isofri minn ġrieħi wara li waqgħet għoli ta’ sitt sulari għal ġo xaft f’lukanda fi Triq Andrew Cunningham fil-Qawra. Fi stqarrija, il-Pulizija qalet li fortunatament it-tfajla żammet ma xi pajpijiet u ġiet salvata fil-5 sular. L-inċident seħħ fid-9.10pm.
Fil-post mar tim mediku u membri tal-Protezzjoni Ċivili biex jagħtu l-għajnuna hekk kif ma kienx faċli li t-tfajla tinħareġ mill-post fejn waqgħet.
Fil-post marru wkoll il-Pulizija.
It-tfajla ingħatat assistenza medika għax-xokk u l-ġrieħi ħfif li ġarbet.
