Mijiet ta’ nies ħadu sehem fl-ikbar żifna għall-karita. Iż-żifna, mal-mużika tal-kanzunetta Uptown Funk, saret fil-Park tal-Familja f’Marsascala u l-qligħ kollu minn din l-attivita mar għall-Malta Community Chest Fund.
Dawk kollha li ħadu sehem f’din iż-żifna setgħu jitgħallmu l-passi taż-żifna minn filmat fuq Facebook.
Waqt iż-żifna spikkat il-parteċipazzjoni ta’ numru kbir ta’ tfal u żgħażagħ minn diversi skejjel taż-żfin li ħadu sehem f’din iż-żifna u li taw il-kontribut tagħhom biex din l-attivita tkun waħda ta’ suċċess.
L-attivita Fields of Joy kienet mifruxa fuq jumejn u kienet tinkludi fiha numru ta’ attivitajiet li kienu jvarjaw minn logħob għall-familji, animazzjoni għat-tfal, tournament tal-football u wirja tal-karozzi.
