Is-sitwazzjoni fil-Ħabs ta’ Kordin kulma tmur qed issir waħda delikata ħafna, b’aktar priġunieri jilmentaw li qed isofru minn diskriminazzjoni mit-tmexxija tal-Ħabs u minn Gwardjani, sempliċiment minħabba l-kulur politiku tagħhom.
Fil-ħarġa tal-lum, il-ġurnal In-Nazzjon ikkwota priġunieri li fissru li l-affarijiet fil-Faċilità Korrettiva ta’ Kordin sejrin mill-ħażin għall-agħar. Qalu li kemm-il darba l-affarijiet se jibqgħu jitmexxew b’dan il-mod, allura faċilment tqum xi waħda.
Sadanittant, minn aktar stħarriġ li għamel In-Nazzjon jirriżulta li fi spazju ta’ ftit ġimgħat biss, fl-aħħar żmien kien hemm mill-anqas tliet priġunieri fil-Ħabs li spiċċaw fil-mira ta’ swat minn membri tas-sigurtà fl-istess Faċilità Korrettiva.
Aktar dettalji fil-ħarġa tal-lum tal-ġurnal In-Nazzjon.
