Il-ħajja, il-ġenju u l-figura ta’ Michelangelo Merisi da Caravaggio huma s-suġġett ta’ żewġ edizzjonijiet ta’ komiks li se joħorġu f’dawn il-ġranet fl-Italja minn Panini Comics.
Bl-isem “Caravaggio. La tavolozza e la spada”, il-karikaturi ta’ Milo Manara huma mmirati għall-adulti u jirrakkuntaw dettalji storiċi flimkien ma’ element ta’ kreattività tal-artist illum. Ir-rakkonti jittrattaw il-wasla ta’ Caravaggio f’Ruma lejn l-aħħar tas-seklu sittax sal-ħarba tiegħu mill-kapitali Taljana, b’ħarsa lejn il-kapulavuri tiegħu artistiċi imma wkoll il-ħajja personali tiegħu, in-nisa, il-passjonijiet u l-eċċessi tiegħu.
Fost il-kontenut partikolari se jkun hemm ittra tal-artist tal-komiks lil Caravaggio stess, fejn jirrakkuntalu rakkont personali ta’ meta kien tifel fl-iskola.
