Tliet ħaddiema barranin sofrew ġrieħi ħfief wara li xibka tal-ħadid li tintuża biex jingħata s-saqaf waqgħet wara li kienet qed tittella’ fuq saqaf f’Pender Gardens, f’San Ġiljan.
L-inċident seħħ għall-ħabta tal-4.30pm, bil-ħaddiema jispiċċaw maqbuda taħt ix-xibka u materjal ieħor ta’ kostruzzjoni.
Il-ħaddiema ġew salvati minn taħt it-tifrik u ttieħdu lejn l-isptar Mater Dei permezz ta’ ambulanza, fejn ġew ċertifikati li qed iġarrbu biss ġrieħi ħfief.
