Illum ġiet organizzata velja ta’ talb f’Mount. St.Joseph. Din kienet laqgħa talb fejn il-messaġġ ewlieni kien il-valur kbir ta ‘silenzju għall-ħajja u għal dawk li jixtiequ jippreservaw l-opportunità li Mount Saint Joseph joffri.
Ftit ġimgħat ilu l-gvern għamel proposta fejn propju biswit Mount St.Joseph issir shooting range. Din ġabet reazzjoni immedjata u negattiva mhux biss mill-Ġiżwitti iżda wkoll fl-opinjoni pubblika għaliex din se tkisser il-kunċett kollu ta’ Mount St.Joseph.
Ftit tal-ġranet ilu l-Ġiżwiti li jmexxu Mount St.Joseph irċevew ittra ta’ theddid li fiha kien hemm bullet flimkien ma’ ittra b’riferenza għall-appell riċenti li l-Ġiżwiti għamlu biex ma ssirx shooting range propju biswit dan il-kumpless tal-irtiri, ta’ skiet u ta’ riflessjoni.
