11:30pm: Malta m’għaddix għas-serata finali tal-Eurovision meta l-kanzunetta ‘Warrior’ ma kinitx fost l-għaxar kanzunetti li kwalifikaw mit-tieni semi-finali li ntemm ftit tal-ħin ilu ġewwa Vjenna fl-Awstrija.
Il-kantanta Maltija kantat fil-ħames post, b’prestazzjoni mill-aqwa tal-kanzunetta, madanakollu dan ma kienx biżżejjed biex Malta tkun fost il-pajjiżi finalisti.
Is-serata finali tal-Eurovision se ssir nhar is-Sibt u fost l-oħrajn se jkun hemm il-parteċipazzjoni unika tal-Awstralja, li se qed jipparteċipa f’din l-edizzjoni bħala parti mit-tema tal-Eurovision ta’ din is-sena: “Building Bridges”.
Aktar kmieni…
20:00: Kollox jinsab lest għat-tieni semi-finali tal-Eurovision Song Contest 2015 li se jsir illejla ġewwa Vjenna, l-Awstrija.
B’kollox, illejla se jkunu qed jippareteċipaw 17-il pajjiż li minnhom iridu jikkwalifikaw 10 pajjiżi.
Ir-rebbieħa tal-Eurovision tas-sena li għaddiet, Conchita Wurst, se tkun fost il-preżentaturi tas-serata.
Tim ta’ MaltaRightNow.com jinsab fil-Wiener Stadthalle fi Vjenna, minn fejn se jkunu qed jaġġornaw din il-paġna kontinwament bl-aħħar żviluppi mit-tieni serata tal-Eurovision.
Anke l-paġna ta’ MaltaRightNow.com fuq Facebook se tkun aġġornata b’diversi ritratti u filmati.
Il-pajjiżi li se jipparteċipaw illejla huma dawn:
- Litwanja
- L-Irlanda
- San Marino
- Montenegro
- Malta
- Norveġja
- Portugal
- Repubblika Ċeka
- Iżrael
- Latvja
- Ażerbajġan
- Islanda
- Isvezja
- Isvizzera
- Ċipru
- Slovenja
- Polonja
Filmat: Ara l-Eurovision live fuq MaltaRightNow.com. Ix-xandira tibda fid-9pm.
Ritratti: Ilbieraħ Amber kantat il-kanzunetta ‘Warrior’ fl-ewwel dress rehearsal. Wara, wara l-ġurija tat il-punti tagħha lil kull kantant u kantanta qabel dawn jippartecipaw fis-serata tal-lejla
