Il-Gvern jerġa’ jaħbi l-informazzjoni
Il-Gvern ma qalx minn fejn huma t-13-il applikant li ħadu ċ-ċittadinanza Maltija. Lanqas ma ta informazzjoni dwar kemm ħallsu u lil min ħallsu.
Fil-Parlament, il-Ministru Carmelo Abela naqas li jwieġeb mistoqsijiet diretti tad-Deputat Nazzjonalista Robert Arrigo dwar it-13-il applikant li kkonkludew il-proċess tal-IIP u ħadu ċ-ċittadinanza Maltija.
Lanqas ma qal liema bank intuża għal dawn il-pagamenti u kemm tħallsu kummissjonijiet fuq dawn it-13-il applikant.
Id-Deputat Nazzjonalista lanqas ma ngħata tweġiba dwar jekk dawn it-13-il applikant li ħadu ċ-ċittadinanza Maltija ġewx wara roadshows mill-Prim Ministru Muscat.
Għal dawn il-mistoqsijiet ta’ Robert Arrigo, il-Ministru Carmelo Abela wieġeb biss li l-informazzjoni li tista’ tingħata skont il-liġi, se tingħata fil-mument opportun.
