In-nutar Jean Pierre Attard, Kunsillier Laburista fiż-Żurrieq, huwa esponent ieħor tal-PL li ħareġ jattakka lil Marlene Farrugia sempliċiment għaliex hi qed titkellem apertament kontra l-bini f’nofs l-għelieqi f’Żonqor.
Fuq Facebook, il-Kunsillier Laburista taż-Żurrieq sostna li “mal-ħin li qed taħli tbus lil Simon Busuttil, ara ssibx ftit ħin tinżel saż-Żurrieq u tara ftit jekk hawnx xi familji għandhom bżonn xi ħaġa”.
Attard allega li hemm ħafna familji mill-5 Distrett “li mindu ġejt eletta, għandhom bżonn ftit ħin u xi ħadd jgħati kashom u jgħinom”.
