L-eks-Kanċillier tal-Ġermanja, Helmut Kohl, qed jinżamm fit-taqsima għall-kura intensiva wara li ddaħħal fi klinika ta’ Heidelberg, fejn saritlu operazzjoni fi msarnu.
Kohl, Konservattiv ta’ 85 sena, kien l-ixprun ewlieni wara r-riunifikazzjoni tal-Ġermanja li seħħet waqt it-tmiem paċifiku tal-Gwerra Bierda. Hu kien l-aktar Kanċillier li dam fil-kariga fil-Ġermanja moderna u qeda din il-funzjoni mill-1982 sal-1998.
Filwaqt li ma kien hemm l-ebda kumment uffiċjali mill-klinika ta’ Heidelberg jew mill-uffiċċju ta’ Helmut Kohl, il-ġurnal ‘Der Spiegel’ fisser il-kundizzjoni ta’ Kohl bħala waħda kritika, waqt li kien qed jikkwota lis-sorsi qrib l-eks-Kanċillier.
