Il-Pulizija Franċiża evakwat mill-anqas 360 immigrant minn kamp taħt pont f’Pariġi. Il-qawwiet tal-liġi żgumbraw lill-immigranti u ttrasferewhom bix-xarabanks lejn ix-shelters għall-immigranti fil-kapitali.
L-azzjoni tal-Pulizija seħħet qrib l-istazzjon ta’ Gare du Nord u hu mifhum li l-maġġoranza tal-immigranti huma Eritrej u Sudaniżi.
Sadanittant, f’Calais inqalgħu inċidenti, fejn spikkat ġlieda tal-massa bejn diversi mijiet ta’ immigranti Afrikani li kienu qed jorqdu barra. Fil-ġlied indarbu numru ta’ immigranti, filwaqt li diversi tined ingħataw in-nar.
