Żewġt itfal fil-Malasja li tilfu lil missierhom fl-għajbien tat-Titjira MH370 tal-Malaysia Airlines waslu għal arranġament barra l-qorti wara li kienu ressqu każ ta’ negliġenza kontra l-kumpannija. Mifhum li dan kien l-ewwel każ ta’ dan it-tip mindu l-ajruplan sparixxa waqt titjira bejn Kuala Lumpur u ċ-Ċina, li seħħet f’Marzu tal-2014.
L-omm tat-tfal qalet li aċċettat il-kumpens mingħand il-Malaysia Airlines u l-Gvern biex uliedha jkunu jistgħu jħarsu ‘l quddiem u jkomplu b’ħajjithom. Dan waqt li ma kienx żvelat l-ammont ta’ ħlas f’kumpens, bit-tfittxija għall-ajruplan (li meta għab kien qed iġorr 239 persuna) għadha qed tkompli.
//= $special ?>