Qorti fl-Eġittu pposponiet id-deċiżjoni finali dwar l-eks President Eġizzjan Mohamed Morsi, li fis-16 ta’ Mejju li għadda, kien ikkundannat għall-mewt flimkien ma’ għexieren ta’ imputati oħra.
Is-sentenza massima imposta fuq Morsi u l-aktar minn 100 imputat ieħor tirrigwarda kumplotti għall-ħarbiet mill-Ħabs u attakki fuq il-Pulizija waqt ir-rewwixta storika tal-2011, li matulha kien tkeċċa l-eks President Eġizzjan Hosni Mubarak.
