Rick Parry, l-eks Gvernatur ta’ Texas, beda kampanja oħra – it-tieni f’erba’ snin – biex jikseb in-nomina tal-Partit Repubblikan ħalli jikkuntesta għall-Presidenza tal-Istati Uniti f’isem ir-Repubblikani.
Parry, li għandu 65 sena, ikkonferma l-aħbar meta introduċa websajt ġdid għall-ġbir tal-fondi.
Dan hu t-tieni tentattiv ta’ Parry għall-Presidenza wara li hu kien daħal għat-tellieqa (fuq in-naħa tar-Repubblikani) għall-ewwel darba fl-2011. Parry, magħruf bħala ‘Kristjan konservattiv bi spirtu soċjali’, kien dam 14 il-sena bħala Gvernatur ta’ Texas li hu t-tieni l-akbar Stat Amerikan.
F’dan iż-żmien hu kattar ukoll reputazzjoni bħala politiku dispost li jaqta’ l-infiq, iżda s-sostenituri tiegħu qed jirreferu għas-suċċessi ekonomiċi ta’ Texas (fi żmienu bħala Gvernatur) bħala ‘provi tat-talenti ta’ Rick Parry’.
