“Wara l-maltemp jiġi l-bnazzi.” Kien b’dan il-kliem li Paul Falzon ħabbar li ħuħ Raymond ‘tas-slais’ Falzon qaleb għall-aħjar wara li fis-17 ta’ Mejju kien involut f’inċident ikraħ bil-mutur.
Raymond kien fil-periklu tal-mewt meta waqt li kien għaddej bil-mutur tieħgu fi Triq Buqana, fir-Rabat sab quddiemu vann tat-tip Mazda, misjuq minn raġel ta’ 69 sena mill-Mosta, li kiser fuq ġemb biex jidħol fl-għalqa tiegħu. Sfortunatament Raymond ma jrexxilux jevita il-vann bil-konsegwenza li spiċċa mal-art, jitkaxkar għal xi metri taħt il-vann.
