21 għaqda li ngħaqdu flimkien u ndirizzaw konferenza stampa, kkundannaw dak li huma ddeskrivewh bħala “attakk istituzzjonalizzat fuq l-ambjent” u qalu li huwa inaċċettabbli li l-Gvern qed ibiddel il-liġijiet biex isir aktar żvilupp f’żoni ODZ.
Waqt li kienet qed tindirizza l-konferenza tal-aħbarijiet, Astrid Vella, mill-FAA, qalet li l-gruppi kollha preżenti, is-Sibt li ġej se jattendu l-protesta Nazzjonali organizzata mill-Front Ħarsien ODZ u ħeġġet il-pubbliku biex jattendi bħala sinjal ta’ appoġġ lejn l-Ambjent.
L-Għaqdiet kollha, 21 b’kollox, kritikaw lill-Gvern u stqarrew li hu inaċċettabbli li jsir tibdil fil-liġi tal-pjan ta’ struttura.
Simone Mizzi, minn Din L-Art Ħelwa, qalet li “jekk Joseph Muscat irid iżomm il-wegħdi li għamel qabel l-elezzjoni ġenerali, għalhekk għandu jordna moratorium fuq l-iżvilupp f’żoni ODZ u għandu jirtira il-liġi l-ġdida li tinbidel mal-pjan ta’ struttura.
L-Għaqdiet li pparteċipaw huma : Flimkien għal Ambjent Aħjar, Friends of the Earth Malta, Ramblers Association, Graffitti, Din l-Art Ħelwa, National Independent Forum for Sustainability – NIFS, Birdlife Malta, Youth for the Environment Y4TE, Greenhouse Malta, MOAM, NatureTrust Malta, Integra Foundation, Platform of Human Rights Organisations in Malta (PHROM), Organisation for Friendship in Diversity (OFD), aditus, Gender Liberation, The Critical Institute, KSU, Students’ Philosophical Society (SPS), ADZ Green Youth u l-Ġiżwiti.
