Raġel ta’ 55 sena, residenti Ħal Luqa ddaħħal l-istpar Mater Dei għall-kura wara li kien involut f’inċident tat-traffiku fi Triq il-Mitħna, Ħal Qormi, għall-ħabta tal-erbgħa u nofs ta’ wara nofsinhar.
Il-Pulizija mill-Għassa ta’ Ħal Qormi marru fuq il-post u mill-ewwel stħarriġ tagħhom irriżulta li kien hemm ħabta bejn mutur tat-tip Honda li kien qed jinstaq mir-raġel ta’ 55 sena, u vann tat-tip Hino misjuq minn raġel ta’ 33 sena li joqgħod Santa Luċija.
Is-sewwieq tal-mutur ġie ċċertifikat li qiegħed isofri minn ġrieħi ta’ natura gravi iżda ma jinsabx fil-periklu tal-mewt, filwaqt li r-raġel ta’ 33 sena ma sofra l-ebda ġrieħi.
L-investigazzjonijiet tal-Pulizija għadhom għaddejjin.
