Bejn it-Tnejn 15 ta’ Ġunju u s-Sibt 20 ta’ Ġunju se jkun qed jittella’ l-Valletta Shopping Festival. L-għan ta’ dan il-Festival huwa li jippromwovi l-Belt Valletta bħala destinazzjoni unika ta’ xiri kemm għall-Maltin kif ukoll għall-barranin. Il-Belt Valletta tipprovdi valur miżjud lix-xerrejja permezz ta’ marki u ħwienet stabbiliti, divertiment, kultura u storja.
Matul il-jiem tal-festival il-ħwienet se jibqgħu miftuħin sad-9pm u fil-ħwienet se jkun hemm diversi promozzjonijiet. Se jittellgħu ukoll attivitajiet ta’ mużika u animazzjoni madwar it-toroq tal-Belt. Din is-sena se jkunu organizzati wkoll street concerts kuljum b’ismijiet magħrufa bħal Firelight, Red Electrick, Gianni u Claudia Faniello. Il-Festival huwa sponsorjat mill-BOV u GO bl-appoġġ tal-Awtorità Maltija tat-Turiżmu, il-Kunsill Lokali tal-Belt, il-Kunsill tal-Arti u l-Fondazzjoni Valletta 2018.
Iktar informazzjoni tinkiseb mis-sit elettroniku www.vallettashoppingfestival.com
