Il-Latvja l-Erbgħa ħarġet l-ewwel munita tal-ewro kwadra. Din hi munita kommemorattiva tal-fidda tal-valur ta’ ħames ewro, bil-Kastell ta’ Riga fuqha. Il-munita ħarġet għall-500 anniversarju tal-kastell, li nbena fl-1515 u li llum hu s-sede tal-President tal-pajjiż.
Il-Latvja ssieħbet fiz-zona ewro s-sena li għaddiet. B’kollox, il-Bank Ċentrali tal-Latvja se joħroġ 7,000 minn dawn il-muniti kwadri.
