Ħadd ma jieħu gost bil-ħmieġ tal-klieb wara l-bieb tad-dar tiegħu u sfortunatament, minkejja li hu llegali li sid ta’ kelb ma jnaddafx wara l-kelb tiegħu, l-episodji ta’ ħmieġ mhux miġbur huma komuni u frustranti.
Imma sid ta’ residenza privata mar fl-estrem, u f’messaġġ miktub fuq borża tal-karti li waħħal mal-pilastru tal-bieb ta’ barra, wissa’ li jispara fuq il-kelb jekk sidu jħallieħ iħammeġ wara biebu.
