Żewġ klieb instabu mgħarrqa fil-Bajja magħrufa bħala Tal-Fessej, fil-limiti ta’ Għajnsielem, Għawdex.
Mhux magħruf jekk il-klieb tgħarrqux apposta minn persuna jew persuni mhux magħrufa, u kif seħħ dan il-każ li ġie nnutat għall-ewwel darba kmieni wara nofsinhar.
Il-Pulizija għaddejja bl-investigazzjoni tagħha anke’ biex isir magħruf jekk il-klieb humiex propjeta’ ta’ xi ħadd jew inkella kinux mitluqa barra.
Min għandu xi nformazzjoni dwar dan il-każ qed jintalab jirraporta lill-Pulizija, anke’ jekk b’mod kunfidenzjali.
