Raġel ta’ 55 sena ttieħed għall-kura l-Isptar Mater Dei wara li llum waranofsinhar kien involut f’inċident tat-traffiku f’Birkirkara.
L-inċident seħħ għall-ħabta tal-5.00pm fi Triq il-Wied f’Birkirkara meta r-raġel, li kien qed isuq mutur tat-tip Honda, ħabat ma’ vann Isuzu Elf.
Fuq il-post waslu l-Pulizija u ambulanza li ħadet lir-raġel l-Isptar Mater Dei għal iktar kura. Il-kundizzjoni tiegħu għadha mhux magħrufa.
