Tfajla ttieħdet l-Isptar Mater Dei issofri minn xi ġrieħi wara li kienet involuta f’ħabta head on ma’ vettura oħra fit-triq sekondarja ta’ Triq il-Kosta, li tagħti lejn il-Magħtab.
It-tfajla, li kienet qed issuq Toyota Vitz, għal xi raġuni kellha mpatt ma’ vettura tat-tip Peugeot 308 u nqabdet fil-vettura f’inċident li seħħ għall-ħabta tal-10:30.
Kien għalhekk li fuq il-post issejħu membri tal-Protezzjoni Ċivili biex joħorġu lit-tfajla, li ttieħdet lejn l-isptar permezz ta’ ambulanza.
Il-kundizzjoni tagħha mhix magħrufa.
