Il-Pulizija f’Palermo arrestati ħames persuni li qed tqies bħala responsabbli għat-traġedja ta’ nhar il-Ħamis fil-Baħar Mediterran. Traġedja li fiha hu stmat li madwar 200 persuna mietu, li minnhom inġabru l-katavri ta’ 26 persuna, wara li l-lanċa tagħhom għerqet barra l-kosta Libjana. Dawk arrestati huma ċittadini Libjani u Alġerini li kienu fost dawk salvati mill-bastiment tal-gwerra Irlandiż ‘Le Niamh’.
