Ilbierah fil-Marsa wkoll kien hemm rapporti li fit-toroq ta’ madwar l-Easygas kien hemm riħa qawwija ta’ gass. Kawża ta’ dan, fuq il-post waslu membri tad-Dipartiment tal-Protezzjoni Ċivili kif ukoll il-Hazmat Unit, fejn bħala prekawzjoni ingħalqu diversi toroq.
Mill-ewwel indikazzjonijiet jidher li r-riħa ma kienitx ġejja mill-Impjant tal-Easygas, għaldaqstant għaddejja ħidma biex ikun magħruf x’wassal għal din ir-riħa ta’ gass.
