L-Unjoni Ewropea qed tlesti biex tibda tgħarraq l-opri tal-baħar li qed jużaw it-traffikanti tal-bnedmin fir-reġjun tal-Mediterran
Federica Mogherini, li hi responsabbli mill-politika barranija tal-UE, qalet li l-missjoni navali tal-Unjoni (EUnavor Med) lesta biex tgħaddi mill-fażi tas-sorveljanza għall-fażi li tesiġi l-ħtif u l-qerda tad-dgħajjes tat-traffikanti fl-ibħra internazzjonali.
Mogherini qalet li l-informazzjoni sigrieta li nġabret fl-ewwel fażi turi li mill-inqas f’16-il okkażjoni fl-aħħar ħames ġimgħat, l-EUnavor Med setgħet ippersistiet wara t-traffikanti u elementi oħra li huma responsabbli mill-movimenti illegali tal-persuni.
Intant, Federica Mogherini ppreżentat l-aħħar pjani waqt laqgħa tal-Ministri għad-Difiża tal-UE, iżda dawn il-pjani għad iridu jkunu adottati.
Il-Ministri Ewropej għall-Affarijiet Barranin li qed jiltaqgħu bħalissa fil-Lussemburgu qegħdin jiddiskutu wkoll it-tieni fażi tal-pjan inkwistjoni.
Skont Mogherini, l-assi militari li ġejjin mill-istati kontributuri tal-UE għandhom jibqgħu barra l-ibħra territorjali tal-Libja. Madankollu, hi għamlitha ċara li l-bidla għat-tieni fażi għandha tirrikjedi aktar bastimenti u aktar assi.
