Fil-bidu ta’ dan ix-xahar, il-Ministru tat-Trasport Joe Mizzi ħabbar f’konferenza tal-ahbarijiet rotot ġodda u mtejjba. L’hekk imsejjħa riforma għandha erba’ fażijiet, bl-ewwel waħda tibda għada u l-aħħar waħda tidħol fis-seħħ sa tmiem din is-sena.
Izda minn informazzjoni li għandu dan il-portal jidher li l-bidliet imħabbra b’ċertu pompa permezz ta’ konferenza tal-aħbarijiet waqgħu mal-ewwel intopp.
Fil-fatt, maltarightnow.com hu nfurmat li r-rotot ġodda li kellhom jibdew minn għada mhux se jibdew.
U l-problemi jidhru li m’humiex żgħar għaliex il-bidliet mħabbra ġew posposti sakemm jinħareġ avviż ieħor. Jiġifieri, ir-riforma ġiet posposta b’mod indefinit.
Dan is-sit għamel kuntatt mal-uffiċċju tal-customer care ta’ Malta Public Transport li kkonferma li r-rotot ġodda huma posposti u mhux se jibdew minn għada.Customer care ikkonferma wkoll li l-posponiment hu wieħed indefinit sakemm jinħareġ avviż ieħor.
Minn għada suppost kellhom jibdew tliet rotot ġodda u 8 rotot li suppost kellhom ikunu mtejba.
Rotot li suppost kellhom jibdew għada
Rotot ġodda
047 Il-Mosta, Ħal Lija, Birkirkara, Santa Venera, Tal-Pieta, il-Ħamrun
058 Birkirkara, Fleur de Lys, Santa Venera, il-Ħamrun il-Furjana, il-Belt Valletta
004 il-Belt Valletta, il-Furjana, Paola, Bormla, il-Birgu
Rotot mibdula
054 Ħ’Attard, Ħal Lija, Ħal Balzan, Birkirkara, l-Imsida, il-Furjana, il-Belt Valletta
001 Il-Belt Valletta, il-Furjana, il-Marsa, Fgura, Bormla, l-Isla
002 Il-Belt Valletta, il-Furjana, il-Marsa, Paola, Bormla, il-Birgu
003 Il-Belt Valletta, il-Furjana, il-Marsa, Paola, Bormla, il-Birgu, il-Kalkara, Smart City, ir-Rinella
061 Ħaż-Żebbuġ, Ħal Qormi, il-Marsa, il-Ħamrun, il-Furjana, il-Belt Valletta
062 Is-Siġġiewi, Ħal Qormi, il-Marsa, il-Ħamrun, il-Furjana, il-Belt Valletta
063 Ħal Qormi, il-Marsa, il-Ħamrun, il-Furjana, il-Belt Valletta
064 Santa Venera, Ħal Qormi, il-Furjana, il-Belt Valletta.
MPT tikkonferma
Intant, fi stqarrija qasira maħruġa ftit tal-ħin ilu, il-kumpanija Malta Public Transport ikkonfermat li r-rotot ġodda mhux se jidħlu fis-seħħ għada u li d-diskussjonijiet mal-GWU dwar il-ħinijiet tal-ħaddiema għadhom għaddejjin
