L-eks internazzjonali Arġentin Diego Maradona kkritika lill-President tal-FIFA Sepp Blatter u lil dak tal-UEFA Michel Platini – li qed jipprova jkun is-suċċess tal-Iżvizzeru – bħala kap tal-FIFA. Maradona qal li dawn huma żewġ persuni uniċi.
“Ninsab barra mit-taqtigħa għaliex xi ħadd li jismu Blatter għalaqli l-bibien kollha,” qal Maradona lill-istazzjon Televiżiv ta’ Napoli PiuEnne.
“Imma jien m’iniex ħalliel. Blatter għamel ħafna ħsara li l-futbol u ma’ Platini issa se tkun farsa. Jippretendu li huma mifrudin, wieħed mal-FIFA u l-ieħor mal-UEFA, meta fil-fatt dejjem kienu viċin xulxin.
“Jekk irridu FIFA trasparenti ma nistgħux nivvotaw lil Platini li ilu żmien twil viċin Blatter u għallmu kif jisraq,” kien kwotat li qal fil-Corriere dello Sport, iċ-Champion tad-Dinja tal-1986.
Maradona li għandu 56 sena żgħid jgħid li kellu ftehim mal-Prinċep Ali tal-Ġordan, kandidat ieħor għall-elezzjoni tal-FIFA fi Frar tal-2016.
“Jekk jirbaħ l-elezzjoni, inkun hemm ħdejh bħala Viċi-President,” qal l-eks plejer ta’ Napoli u Barcelona.
