Analise Mifsud ir-rebbieħa tal-edizzjoni ta’ din is-sena tal-Konkors Kanzunetta Indipendenza bil-kanzunetta ‘Kuraġġ’, kliem u mużika tal-istess kantanta.
Ir-riżultat tħabbar ftit qabel nofsillejl fi tmiem l-24 edizzjoni ta’ dan il-konkors mużikali prestiġjuż li kien preżentat minn Peter Carbonaro u Claire Preca bi Christine Haber tikkummenta minn wara l-kwinti. Is-serata finali ta’ dan il-konkors saret fi Pjazza Teatru Rjal, il-Belt Valletta u xxandret dirett fuq Net Television.
Fit-tieni post ikklassifikat il-kanzunetta ‘Ma Ninsa Qatt’ ta’ Dorcas Debono b’mużika ta’ Dominic Cini u kliem ta’ Rita Pace filwaqt li fit-tielet post ikklassifikat il-kanzunetta ‘Dment li Malti Ħaj’ ta’ Dario Bezzina b’mużika ta’ Ray Agius u kliem tal-istess kantant.
