Għaddasa li iktar kmieni llum wara nofsinhar kienu fil-baħar ‘il barra mill-Bajja tas-Salina skoprew fekruna tal-baħar imdaqqsa mejta.
Sfortunatament jidher li l-fekruna jew inqabdet minn xi skrun ta’ dgħajsa, jew inkella inqabdet f’xibka tat-tonna u ntremiet il-baħar meta kienet diġa’ mejta u ġiet skoperta mis-sajjieda.
L-għaddasa li tkellmu magħna spjegaw ukoll li fiż-żona nnutaw ukoll ammont konsiderevoli ta’ ħut mejjet f’wiċċ il-baħar u li bl-ikbar probabiltà kienu ġejjin mill-fish farms fl-inħawi.
Fil-Bajja ta’ San Tumas imbagħad l-għaddasa nnutaw ukoll roqgħa ta’ żejt kif ukoll ikel mill-fish farms li wassal għal “lega ta’ sustanza bajda li ddellek u twaħħal, u li wasslet ukoll biex mill-baħar bdiet tiela’ intiena qawwija.”
Ritratti: Jeannot Kuenzel
