Minkejja d-diversi appelli, fosthom anke mill-Ispeaker tal-Kamra waqt li kien qed jagħti r-ruling tiegħu, l-aħħar seduta parlamentari meta kien qed jingħalaq id-dibattitu dwar il-budget kient ikkaratterizzata minn kummenti mill-Istrangers Gallery.
Waqt id-diskors tas-Segretarju Parlamentari Ian Borg, id-Deputat Speaker Ċensu Galea kellu jinterrompi d-diskors biex iwissi li mhux se jippermetti iktar daħk mill-Istrangers Gallery.
Fir-ruling li ingħata nhar l-Erbgħa, l-Ispeaker tal-Kamra fakkar li s-Sedja għandha d-dritt li tordna anke li jitneħħew in-nies kollha fl-istrangers Gallery biex ix-xogħol tal-kamra jkun jista’ jitkompla mingħajr ebda tfixkil.
