Xuffier ta’ tal-linja kważi kkawża inċident hekk kif dan qasam għan-naħa l-oħra u rassas iċ-ċiklist mal-bankina bir-riskju li dan setgħa jaqa’ u saħansitra jispiċċa taħt ix-xarabank. Il-każ seħħ f’San Ġwann mar-roundabout ta’ quddiem il-Life Sciences Park ta’ ħdejn l-isptar Mater Dei.
Dan jidher biċ-ċar fil-filmat li ttella’ fuq il-paġna ta’ Facebook: Waqfet Tal-Linja- Autobuses De Leon Disaster juri l-mod kif karozza tal-linja għaddiet tħakek maċ-ċiklist.
