Tard il-Ħadd filgħaxija Boca Juniors ġew inkurunati champions tal-Arġentina għall-ewwel darba sa mill-2011. Huma aċċertaw mir-rebħ tat-titlu meta kisbu rebħa minima ta’ 1-0 kontra Tigre u issa la darba rebħu l-kampjonat jibdew jikkonċentraw fuq it-tazza domestika hekk kif matul il-ġimgħa jilagħbu kontra Rosario Central bit-tama li jiksbu d-‘Double’. Dan kien il-31 titlu fl-istorja ta’ Boca u issa jonqoshom jirbħu ħamsa oħra biex jilħqu lir-rivali River Plate. Bla dubju strumentali fis-suċċess ta’ Boca kien l-attakkant Carlos Tevez li irritorna mal-klabb mingħand Juventus.
