Xogħlijiet li saru fi Triq Ċensu Xerri f’Tas-Sliema tgħattew “ta’ kafkaf”, kif ilmentaw ma’ Netnews.com.mt residenti f’din it-triq.
Netnews.com.mt jinsab infurmat li x-xogħlijiet saru mill-Enemalta u hekk kif tlestew, il-parti tat-triq fejn sar ix-xogħol tgħattiet b’blokka tarmak “kif ġie ġie”.
Mhux it-triq kollha tgħattiet bit-tarmak tant li parti kbira mit-triq tħalliet imħaffra b’periklu għas-sewwieqa li jgħaddu mit-triq.
