Andy Murray beda l-avventura tiegħu fl-ATP World Tour Finals b’rebħa konvinċenti fuq l-Ispanjol David Ferrer f’Londra.
L-Iskoċċiż ta’ 28 sena rebaħ 6-4, 6-4 fl-O2 Arena u jekk jerġa’ jirbaħ għada kontra Stan Wawrinka jew Rafael Nadal, jaċċerta li għall-ewwel darba jkun qed itemm is-sena bħala n-numru 2 fid-dinja.
L-istaġun ta’ Murray se jkompli wkoll il-ġimgħa d-dieħla meta r-Renju Unit jilgħab kontra l-Belġju fil-final tat-Tazza Davis.
