Hija komuni ħafna għall-Isqallin li fil-festa, bħalma jsir f’Malta, iżeffnu l-istatwi tagħhom. Iżda li żgur mhuwiex komuni huwa li statwa tispiċċa tiddawwar lejn dar ta’ mafjuż biex issellem lil din il-familja. Dan il-fatt seħħ din il-ġimgħa f’Paterno’ waqt il-festa ta’ Santa Barbara.
Waqt li l-banda bdiet iddoqq noti mill-film ‘Il Padrino’, l-istatwa tniżżlet issellem id-dar fejn hemm residenti familja mafjuża mill-grupp magħruf bħala Santapaola.
Dan l-att ta’ “qima” sar fl-eqqel tal-purċissjoni fis-1pm, meta dak il-ħin kien hemm miġbura diversi nies fit-toroq ewlenin. Il-Pulizija mal-ewwel innutaw dak li seħħ, u fil-fatt tħassru l-festi esterni filwaqt li ġew interrogati l-organizzaturi.
Ara il-video hawn taħt.
Paterno’ hija belt fi Sqallija ‘il barra minn Katanja li fiha jgħixu madwar 50,000 persuna.
