Ir-raba’ ġurnata tal-Gatorade Futsal League, il-partita prinċipali kienet dik bejn Valletta u Msida logħba mirbuħa mill-Beltin bl-iskor ta’ 9-3.
Logħba li laħqet il-qofol tagħha fl-ewwel taqsima bil-Beltin ikollhom l-aktar pussess u jiskorjaw fil-mumenti deċiżivi tal-partita.
Luxol ma kellhom l-ebda diffikulta’ sabiex jegħlbu lil Mqabba 9-2. It-trio Despotovic, Zammit u Barbosa skorjaw doppjetta kull wieħed filwaqt li Vukovic, Cope u Bonello żiedu aktar gowls għaċ-champions attwali. Dimech u Psaila naqqsu l-marġni għall-Imqabba.
F’logħbiet oħra jispikkaw ir-rebħiet kbar ta’ Ħamrun u Lija fuq Gozo u Marsascala rispettivament. Il-klassifika tara lil Ħamrun, Luxol u Valletta fl-ewwel post b’punti massimi minn erba’ logħbiet. Min-naħa l-oħra, Marsascala, Gozo u Qrendi għadhom ifittxu l-ewwel punti għal dan l-istaġun.
