Il-klabb tat-tieni diviżjoni, Qrendi FC qed iħarsu sabiex ix-xahar li ġej isaħħu t-tim bl-akkwisti ta’ aktar plejers hekk kif Replay hu infurmat li l-attakkant ta’ 30 sena Timothy Thomas ta’ St. George’s qed jinteressa mhux ftit lil Qrendi.
Wara disa’ partiti mill-bidu tal-Kampjonat tat-tieni diviżjoni, Qrendi jinsabu lejn in-naħa t’isfel tal-klassifika b’tmien punti għaldaqstant l-amministrazzjoni qed tħares li ttejjeb t-tim għat-tieni parti tal-Kampjonat bl-objettiv li jevitaw ir-relegaltion wara li kienu promossi l-istaġun li għadda mit-tielet diviżjoni.
B’Renzo Kerr Cumbo responsabbli mit-tmexxija tat-tim wara li ħa l-iskwadra minn taħt idejn l-eks kowċ tal-klabb Simon Cauchi, Qrendi diġa’ ikkonsolidaw il-qafas tat-tim bl-akkwisti riċenti ta’ Bjorn Bondin mingħand Gudja United, Ranier Buhagiar mingħand St. George’s, Leon Camilleri mingħand Żebbuġ Rangers, Karl Mifsud mingħand Pietá Hotspurs u Jaiyesimi Bashiru mingħand Sta. Venera Lightnings.
