Charles Farrugia ta’ 63 sena mis-Siġġiewi tilef ħajtu wara li ttajjar minn vettura fi Triq Dun Manwel Zammit fis-Siġġiewi.
L-inċident seħħ għall-ħabta tal-4.50pm meta l-anzjan ittajjar mill-vettura, tat-tip Mistubishi, misjuqa minn żagħżugħ ta’ 25 sena mis-Siġġiewi stess.
Fil-post waslu l-Pulizija u tim mediku mill-Isptar Mater Dei. Madankollu, l-Ambulanza telqet mill-post vojta wara li r-raġel ġie ċċertifikat mejjet fil-post.
Bil-każ ġie nfurmat il-Maġistrat tal-għassa,li ħatar diversi esperti biex jassistu f’Inkjesta Maġisterjali. L-investigazzjonijiet tal-Pulizija mill-Għassa ta’ Ħaż-Żebbuġ għadhom għaddejjin.
Din l-aħbar ħasdet lil ħafna, li ddeskrivew lill-anzjan bħala bniedem mill-aħjar.
