Id-diskussjonijiet f’Pariġi dwar ftehim b’rabta mat-tibdil fil-klima jidher li qegħdin fi stadju avvanzat ħafna b’sorsi qrib l-organizzaturi jgħidu li wara ħmistax ta’ negozjati sa fl-aħħar kien ntlaħħaq ftehim.
Uffiċjali fi ħdan il-Ministeru ta’ l-Affarijiet Barrranin Franċiż saħqu li dalgħodu kien ser jiġi ppreżentat dokument lill-Ministri rispettivi bi ftehim preliminari.
Analisti politiċi qalu li anke f’dan l-istadju ħadd m’għandu jassumi xejn hekk kif m’hemm ebda ċertezza li fil-laqgħa tal-llum ma’ jqumux xi oġġezjonijiet u anke f’każ li le jkun għad jonqos proċess ta’ ratifikazzjoni.
S’issa ma’ ħarġu ebda dettalji dwar x’ġie miftiehem sa dan l-istadju għalkemm jidher li l-ftehim huwa riżultat ta’ kompromessi sinjifikanti speċjalment fejn jidħol it-tnaqqis ta’ l-emmissjonijiet.
