Wara l-ansjetà li qanqal ir-riżultat tal-ewwel fażi tal-elezzjonijiet reġjonali fi Franza, fit-tieni fażi li kien hemm il-Ħadd, il-partit estremista tal-Front Nazzjonali ma baqax l-ikbar partit fil-pajjiż.
Fl-ewwel fażi, il-Front Nazzjonali ta’ Marine Le Pen kien spiċċa minn ta’ quddiem u l-favorit biex jirbaħ l-elezzjoni f’sitt reġjuni mit-13 li għalihom saret l-elezzjoni ġimgħa ilu. Imma fit-tieni fażi, wara li ebda partit ma ġab il-maġġoranza, il-Front ma rebaħ ebda reġjun u spiċċa fit-tielet post.
L-akbar ammont ta’ voti marru għand ir-Repubblikani ta’ Nicolas Sarkozy u wara s-Soċjalisti tal-President Francois Hollande.
Iżda l-Front xorta żied il-voti l-Ħadd li għadda u kiseb 6.8 miljun vot minn 6.02 fis-6 ta’ Diċembru.
Ir-Repubblikani ta’ Sarkozy żiedu wkoll il-voti minn 26.65% għal 40.63%, u s-Soċjalisti minn 23.12% għal 29.14%.
L-ammont ta’ nies li marru jivvutaw ukoll żdied, minn 22.6 miljun għal 26.2 miljun persuna.
AKTAR F’IN-NAZZJON TA’ GĦADA
