Il-kowċ ta’ Manchester United ma offra l-ebda garanzija fuq il-futur tiegħu wara li Manchester United tilfu 2-0 kontra Stoke City il-bieraħ. Gowls minn Bojan Krkic u Marko Arnautovic kkundannaw lil United għar-raba’ telfa konsekuttiva u għas-seba’ logħba mingħajr rebħa.
Van Gaal reċentament irreaġixxa b’mod negattiv għal spekulazzjoni fuq il-futur tiegħu, u ħareġ mill-konferenza stampa aktar kmieni din il-ġimgħa. Van Gaal qal li ser jipprova jagħmel kollox iżda l-pressjoni se tkompli tiżdied logħba wara logħba.
“Hu aktar diffiċli, in-nies qed iħarsu lejn wiċċi u jien u l-plejers irridu naċċettaw ir-realtà. Il-messaġġ fil-konferenza stampa kienet li l-media qed jgħidu u jiktbu affarjiet li ma jaqblux ma dak li qed jiġri fil-klabb,” qal van Gaal.
Mistoqsi jekk għandux is-sapport tal-klabb, hu żied li hi sitwazzjoni differenti, għaliex tilfu r-raba’ logħba u għalhekk irid jistenna u jara.
