Ħaddiem weġġa’ f’hold-up li sar f’ħanut tal-logħob fiż-Żejtun.
Is-serqa seħħet għall-ħabta tal-11 ta’ filgħodu fi Triq il-Ħerba ż-Żejtun, meta raġel armat b’arma li taqta’ u bil-ponta daħal u seraq ammont sostanzjali ta’ flus.
Waqt is-serqa, indarab il-ħaddiem li kien hemm fil-ħanut, u li għandu 21 sena miż-Żejtun stess.
Fuq il-post issejjħet ambulanza li ħadet lill-ħaddiem l-isptar Mater Dei.
Bil-każ ġiet infurmata l-Maġistrat tal-Għassa Charmain Galea li ħatret diversi esperti biex jassistuha fl-inkjesta li ġiet appuntata. Il-Pulizija għadha għaddejja bl-investigazzjonijiet tagħha fuq il-każ.
