It-triq ewlenija li minn Għajnsielem twassal lejn ix-Xewkija tinsab magħluqa wara ħabta kerha bejn vann ta’ lewn abjad u mutur. Jirriżulta li s-sewwieq tal-mutur weġġa’ gravi, u kienet meħtieġa l-assistenza urġenti mill-Isptar Ġenerali ta’ Għawdex.
L-inċident seħħ għall-ħabta tat-7:30am fit-triq ta’ ħdejn il-heliport.
Il-Pulizija ikkonfermawlna li kemm il-mutur kif ukoll il-vann kienu qed isuqu lejn il-port tal-Imġarr. Minn stħarriġ jirriżulta li l-mutur kien tat-tip Guanjun GJ110 filwaqt li l-vann kien Toyota Hiace.
Il-vann kien misjuq minn raġel ta’ 55 sena mir-Rabat, li ma sofra l-ebda ġrieħi.
Aktar informazzjoni hekk kif taslilna.
