Dak li kien maħsub kien terremot fir-reġjun ta’ Punggye-ri fil-Korea ta’ Fuq irriżulta li kienet splużjoni nukleari li twetqet taħt l-art mir-reġim ta’ Pyongyang.
L-isplużjoni taħt l-art kienet konfermata mir-reġim tal-Korea ta’ Fuq li qal kienet bomba tal-idroġenu li reġistrat 5.1 fuq l-Iskala Richter. Din hi r-raba’ darba mill-2006 li l-Korea ta’ Fuq wettqet splużjoni nukleari. Bomba tal-idroġenu hi aktar qawwija minn bomba atomika.
Kien hemm kundanna u anki tħassib fost il-kommunita internazzjonali wara li l-Korea ta’ Fuq konfermat li kienet wettqet splużjoni bi prova ta’ bomba tal-idroġenu – bomba li hi ferm aktar qawwija minn bomba atomika.
Xi esperti huma xettiċi li dik li twettqet kienet splużjoni ta’ bomba tal-idroġenu li hi ferm aktar qawwija minn bomba nukleari u bħala bomba tiżen ferm anqas. Bekk aktar faċli li titpoġġa fuq missili.
Ix-xandir Korean qal li dan sar bi sens ta’ difiża kontra t-theddida tal-Istati Uniti għall-pajjiż.
L-isplużjoni saret ukoll hekk kif nhar il-Ġimgħa d-ditattur tal-Korea ta’ Fuq, Kim Jong-un jgħalaq 33 sena.
Aktar tard l-Erbgħaissejjħet laqgħa tal-Kunsill tas-Sigurta tan-Nazzjonijiet Uniti biex tiddiskuti dan l-aħħar żvilupp. Imma osservaturi qalu li ftit li xejn hemm x’jista’ jsir peress li kontra l-Korea ta’ Fuq diġa hemm lista twila ta’ sanzjonijiet u r-reġim f’Pyongyang xorta kompla bil-programm nukleari tiegħu.
