Koppja Maltija, Patricia u Edwin Schembri, iċċelebraw il-50 anniversarju miż-żwieġ tagħhom waqt li kienu ġejjin lura minn vaganza fl-Ingilterra, abbord il-linja nazzjonali tal-ajru Air Malta.
It-tifla tagħhom Colette, flimkien mal-linja tal-ajru nazzjonali ippjanaw sorpriża lill-koppja.
Hekk kif kienu abbord l-ajruplan lura minn Manchester, huma ntgħaw bukkett fjuri u kartolina ffimata mill-crew abbord.
Il-koppja tpoġġiet fis-sezzjoni Business Class fejn ingħataw flixkun xampanja biex jiċċelebraw flimkien.
Fuq Facebook, il-linja nazzjonali tal-ajru l-Air Malta awgurat lill-koppja Schembri aktar mumenti sbieħ flimkien, filwaqt li rringrazzjat lill-koppja talli għażlu lill-Air Malta.
