Raġel kien arrestat mill-Pulizija wara li nstabu 55 pakkett b’dawk li huma suspettati bħala eroina u kokaina f’diversi tfittxijiet matul il-jum f’remissi qrib il-Korsa tal-Marsa.
Stqarrija tal-Pulizija qalet li s-sejba saret mill-Iskwadra ta’ Kontra d-Droga, assistiti mir-Rapid Intervention Unit u mis-Sezzjoni tal-Klieb, wara numru ta’ ġimgħat ta’ osservazzjoni.
Ir-raġel kien arrestat u qed jgħin lill-Pulizija fl-investigazzjonijiet li għadhom għaddejjin.
Il-Maġistrat tal-għassa Josette Demicoli fetħet Inkjesta Magisterjali u ħatret diversi esperti biex jassistuha.
