Illum is-Sibt u għada l-Ħadd fis-7pm u fis-6.30pm rispettivament, jibdew l-aħħar rappreżentazzjonijiet tal-pantomima tal-Milied fl-Istitut Kattoliku bl-isem ‘Rapunżel u s-Siġra tal-Fażola’.
Protagonisti assoluti f’din il-pantomima huma ż-żewġ dami Toni Busuttil u s-Snits.
Produzzjoni adattata għall-familja kollha b’direzzjoni ta’ Ray Abdilla u produzzjoni ta’ Pawlu Testa f’isem il-kumpanija Teatru Rjal u bis-sehem ta’ bosta atturi, żeffiena u kantanti magħrufa.
Din hija spettaklu sħiħ ta’ komiċità b’xenarji u kostumi mill-isbaħ u spettaklu ta’ dwal u mużika. Biljetti jinkisbu bit-telefon 99476468 jew online www.istitutkattoliku.com jew mill-bieb tad-dħul qabel ir-rappreżentazzjoni.
